Siegergedicht Lyrik 2009

Ausgemuschdert?

Wo de Fernseher laaft, die Werwung laut drehnt,
wo Fruscht unn Vezweiflung im Zimmerqualm schdehnt,
uff'm Kondo kenn Geld meeh, die Noochba iss krank,
es Trebbehaus Ort fa Gekrisch unn Gezangk.
Kenn Aussischt uff Aawett, de Mumm längscht veloor,
vor sich selbscht unn de Welt zum Faulennser woor.
E neies Wort: "Krise", sei Daa, der iss lang,
er schdeht bei de "Tafel" veschämt in de Schlang.
Dann geht er serigg, schunn se lang dran gewehnt,
wo de Fernseher laaft unn die Werwung laut drehnt.
Noor hie unn doo naachts, do kommt se serigg,
sei FIRMA, sei Lääwe, sei Aawett, sei Gligg.
Unn so kleen bissje Hoffnung bleibt fa de Morje,
er will doch sunscht nix, noor selbscht fa sich sorje.
Es muss doch wer gewwe, der ne irgendwann
noch fa irgendwas irgendwo...brauche kann.

- Niederländer Relinde, Homburg-Beeden-

Wenn Sie sich noch für mehr dieser Gedichte interessieren, so können Sie diese käuflich von der Verbandsgemeinde Wallhalben innerhalb eines Mundartbuches erwerben.

Hier gehts zum Mundartbuch der Verbandsgemeinde Wallhalben.

Veranstaltungen im Mai

Veranstaltungs-
kalender